Kawei ka Kali kali MG Gloster kaba don ia u Number AS 01 FZ 0030 ka la julor bun, kaba dei hadien ba kawei ka trok kaba don ia u number AS 01 DD 7092 ha ka jingpynher sted ka la kylla bad leit tynrah ia katei ka Kali kaba la jia mynta ka sngi ha ka por 2 baje ei ei janmiet ha Khanapara, Ri Bhoi Distsirct.
Kumba la ioh lum jingtip la ong ba kane ka trok ka deit kaba kit ia ki tiar Kali ka dang hiar sha Guwahati, hynrei da ka jingpynher sted u Dribar ka la kylla khongpong bad tynrah ia katei kawei pat ka kali haduh ba la julor bad ruh ba u dribar katei ka Kali MG Gloster u la shu mynsaw malu mala.
Da kane ka jingjia ia tyngkhuh kali ka la wan rah ruh ka jingdheng kali kaba la neh la katto katne por bad kaba la wan rah ka jingjynar ia ki paidbah ba lei tba wan.
Ki pulit Assam na Jorobat ki la wan poi ha kane ka jaka ban weng ia kitei ki Kali ba la kylla bad ia tynrah bad na ka liang ki Pulit ki dang pynlong ruh ia ka jingtohkit halor kane ka jingjia.
