U Dr. Donwa Dethwelson Lapang, uba la tip paidbah kum u Dr. DD Lapang bad uba la ju khot ieid ruh kum u Kpa ka Ri-Bhoi, u la khlad noh ha ka 12 tarik Nailur 2025 ha Bethany Hospital, Shillong, hadien ka jingshitom naka jinglong tymmen kaba la neh la kham slem.
Ïa U Dr. Lapang la kha ha ka 9 tarik Iaiong 1933, u dei ruh u lok jong ka kong Amethyst Lynda Jomes Blah bad u khun ba nyngkong jong u Bah Donwa War bad ka kong Elsibon Lapang.
Ha ka jinglong nongïalam, u Dr. DD Lapang u la long u nongialam ba radbah ha Ri-Bhoi haduh ban pynurlong ïaka jingthmu ban ioh ïa ka District ba pura. U la sdang ïa ka jinglong nongmihkhmat kum u MLA ba nyngkong jong Nongpoh Constituency ha u snem 1972 kum u kyrtong shimet. Hadien kata, ha u snem 1992 u la ioh ban shimti ïa ka shuki Myntri Rangbah ka jylla kum u Myntri Rangbah ba 5 jong ka Meghalaya.
Ha ka jingiaid lynti jong ka kam saiñpyrthei, u Dr. Lapang u la bat ïa ka kyrdan Myntri Rangbah haduh san sien kynthih, katba ka sien kaba khatduh ka dei ha u snem 2009 tad haduh ba un da resain ha u snem 2010. Ka jinglong nongïalam jong u haka ka jylla kala long ruh ha ka histori jong ka Meghalaya bad ha ki dohnud jong ki paidbah, khamtam eh jong ki paidbah ka dong Ri-Bhoi.
Khlad noh u Dr DD Lapang myntri barim ka jylla ha Bethany Hospital
