Nongpoh, Naitung 15: Ka kynhun ki Pulit na ka East Guwahati Police District (EGPD) na Basistha Police Station ki la ioh biang ban kurup ia kawei ka Scooty ba la shah tuh ba la tip kum ka Honda Activa kaba don ia u number AS-01-EQ-4895 na Jorobat, kaba dei hadien ba ki la lap dien ba katei ka Scooty ka don ha Khanapara.
Katkum ka khubor ba la pynlait da ki Pulit ka Assam ha ka rynsan Social Media, Ia kane ka Scooty la ioh ban kurup ha ka por ba ki dang pynap shrip ha Jorobat Police Outpost.
Na ka liang ki Pulit ka Assam ki la ioh ruh ban kem ia ki ar ngut kiba don kti ha kane ka kam tuh ia katei ka Scooty ba kynthup ia u Bicky Lyngdoh (24) bad u Donald Binan (24) kiba dei na Nongpoh, Ri Bhoi District. Halor kane ka jingioh kurup ia katei ka Scooty bad ba la ioh kem ia kitei ki ar ngtut ki pulit ka Assam ki dang pynlong ia ka jingtohkit bad ruh ban leh katkum ki kyndon jong ka ain.
