Shillong, K’lyngkot 22: U Nongialam BJP bad uba dei ruh u Myntri sorkar ka Meghalaya, u Bah Sanbor Shullai u la kyrpad ia ki paidbah nongshong shnong ka Garo Hills ban kyrshan tyngeh ia ka party BJP ha kane ka Election ban sa wan jong ka election MDC ka Garo Hills Autonomous District Council (GHADC), kiba dei ruh halor ka nongrim jong ki kam pynroi ba la wan rah da u Narendra Modi u Myntri rangbah ka ri.
“Ngi la sakhi tang hapoh ka 10 snem la ka dei ha ka ri ne ha ka jylla Meghalaya, dei namar ka jingkyrshan u Narendra Modi ba ki kam pynroi ki wan tuid sha kane ka jylla ba kum ki paidbah ki hap ban sakhi ha ki 46 snem ba la dep bad mynta tang hapoh ka 10 snem ba la synshar da ka MDA-I bad MDA-II bad ia kane la sakhi ruh wat ha ka Constituency jong u”ong u Bah Sanbor Shullai.
U Bah Sanbor Shullai, u la ban khia ruh da kaba ong ba ka Party BJP ka phai khmat bha ha ki kam pynroi bad khamtam na ka bynta ki surok rit ne ki surok bah bad kiwei kiwei ki ka pynroi kiba long katkum ka jingdonkam jong u paidbah.
U Bah Shullai u la pynpaw ruh ia ak jingsngew skhem, da kaba ong ba ka BJP kan jop beit la kumno kumno kumba 8-10 seat ha kane ka election MDC jong ka GHADC bad u la buh ruh ka jingkyrpad ia ki paidbah ka rilum Garoi ban kyrshan ia ka BJP ban pynpi haduh 20 seat na ka bynta ban ioh thaw ia ka sorkar ha GHADC.
U la pyntp ruh ba ka BJP kan dang iaid shaphrang ban bishar bniah ia ki Ticket jong ki Kyrtong ban ia khun ha kane ka election MDC jong ka GHADC bad ka la rai ruh ban pyniakhun na baroh ki Constituency kiba hap ha ka GHADC.
Shuh shuh, u la ong ruh tang shu ioh ia ka khubor ba la pynbit pynbiang ia ki kyrtong ban ia khun ha kane ka election MDC ka GHADC, kum u MLA un sa hiar sha rilum Garoi ban ialap election na ka bynta ki kyrtong jong ka party BJP.
