Nongpoh, May 30: Ka jingbteng jong u lapbah ba la ther naduh hynnin ka sngi bad uba la neh haduh mynta ka sngi ka la pynsyrtok shisha ia ki paidbah ba leit ba wan na ka surokbah National Highway-6 ha Ri Bhoi bad khmtam ha ki bynta jong ka Jorobat ka um la tap ia ka surok bad ka la pynjynjar ia ki Kali paidbah ba leit ba wan na kane ka surok.
Kumba la sakhi, la iohi ruh ki la don ki Kali kiba la sahkut bad kiba iaid lyngba ka jingshlei um, namar kim don lynti pat ban leit na kawei ka surok ha kaba tang katei ka surok kaba pyniasoh sha Meghalaya bad ruh sha Assam.
La skahi ruh ki nongshong dukan ha katei ka jaka ki la shah ktah jur, ha kaba ka um ka la rung wat sha ki dukan bad don ruh ki dukan kiba la hap khang namar ba la rung da ka um.
Kane ka dei kwei na ka jingeh ki paidbah ba shong basah ha Jorobat ha kaba tan shu slap jur ki hap mad ka jingshlei um bad ka buh jingeh ruh ia ki Kali paidbah ban leit ban wan na katei ka surokbah.
