Shillong, Jymmang 27: U Myntri ba dei khmieh ia ka tnad sam bording ilektrik, u Abu Taher Mondal, hynnin ka Sngi Ba-ar u la leit jngoh ïa ka Ganol Dam bad Powerhouse ban khmieh ia ka jingtuid jong ki jaboh ki jakhlia ha katei ka dam na ka jingjur u slap ha ka wah Ganol.
Haba kren bad ki Nongthoh Khubor, na ka liang, u Mondal u la ong, “Ka daw ba la pynlong ban leit jurip ia katei ka dam ban pynmih ia ka bording ka long ba namar ka jingjur ka jingtuid jong ki jaboh jakhlia kiba mih na ki jaka bam khana paidbah, ki dukan die mar mata bad ki jaka paidbah, ka jingtuid jong ki tnat dieng tnat siej sha katei ka wah kiba lah ban ktah pat ia ka jingpynmih bording ilektrik ha ka jylla.
U la ong ruh, ba la ka jingpyrshang ban pynkhuid ia katei ka wah kaba tuid sha ka dam pynmih bording ilektrik ka la nang iaid shakhmat lyngba ki bor ba dei khmieh.
Shuh shuh ruh, u la pyntip ba u Deputy Commissioner jong ka West Garo Hills u la shimkhia bad ki ophisar na ki tnad treikam ki dang ïamir jingmut bad ki briew ba dei khmih bad ki komiti ban peit pyrman khnang ba ym don shuh ka jingpyntuid jakhlia sha katei ka wah.
