Ka Sheikh Hasina, kaba dei kum ka Myntri Rangbah jong ka ri Bangladesh, mynta ka sngi ka la hiar shuki noh ialade bad hadien ka jinghair shuki ka Sheikh Hasina, ia ka ri Bangladesh la hap ban synshar da ki Shipai, ha kaba ia ka kam ban synshar ia ka ri Bangladesh, yn sa shimti noh da u Waker-Uz-Zaman, uba dei u heh duh jong ki shipai jong katei ka ri Bangladesh.
Kumba la paw ha ki lad pathai khubor, la iathuh ruh ba ka Sheikh Hasina, hadien ba ka la hiar shuki, ka la mih noh na ka jaka ba ka shong ka sah ha Nongbah Dhaka, kata ka dei namar ba ka jingiakynad ka la long kaba jubor eh hapoh ka ri Bangladesh.
La iathuh ruh, ba ki paidbah kiba la don da ki lak ngut, ki la leit ban tur sha ka iingsah jong ka Myntri Rangbahduh ka ri Bangladesh, ha kaba ki la pynkhein ia ki ain korphiw bad kiba ym khein shuh, wat haba ki Pulit bad ki Shipai ki la khanglad ia ki ban kin leit tur sha ka iingsah jong ka Sheikh Hasina.
