Ka Dorbar Shnong Malki sa shisien kan sa ioh ba kan jied ia ki arngut ki Rangbah Shnong bathymmai kaban sa long ha ka 10 tarik Nailar 2024 ha Madan Malki.
Haba iakren bad u bah Anthony Lyngdoh Nongbri uba dei u Secretary ka Election Committee, u la pyntip ba ia ka election yn sdang noh ha ka por 8 baje mynstep haduh 2 baje mynsngi, ym shuh 9 baje kumba la pynbna, bad ia ka jingñiew ia ki vote yn sdang ha ka por 3 baje janmiet.
U la ong ba ia kane ka jingthep vote yn leh da ka kot ballot paper, bad la kyrpad ia baroh kiba dei shnong trai na kane ka shnong ba kin mih ryntih lang sha kane ka jingthep vote.
Shuh shuh na ka liang u bah Anthony, u la ong ba ha kine ki kynta thep vote, yn don ka jingkhang shnong bad yn shah tang ia ki skul, ki college kiba don hapdeng ka eksamin, yn pyllait ruh ia kiba leit sha ki hospital bad ki kam ba kyrkieh bad yn nym don kano kano ka jingkhang ia kiba wan rung sha shnong.
Ha kane ka election, kin don laingut ki kyrtong kiba kynthup ia I bah Bandara Warjri, bah P.K Sohtun bad I bah Tamduh Khongwir bad na kine ki laingut ki paidbah ki lah ban jied ïa arngut ki rangbah shnong katkum ka jingiapynbeit ha ka dorbar kaba dang shu dep shen.
