Ki pulit ka East Khasi Hills mynta ka step ha ka por 6 baje ei ei mynstep ki la lap ia kawei met iap jong u rangbah ba la thiah iap harud surok, hajan ka skul St. Peter’s School, Dhankheti, kaba don ruh marjan bad ka Assam House.
Halor kane ka jinglap ia kane ka met u rangbah ba la khlad noh, ki pulit ki la phah ia u ophisar bad kiwei ki pulit ban pynlong ia ka jingleit tohkit bad ka jingleit tohkit ki la shon ia ka dur une u rangbah bad la antad ruh ba u la don kumba 55-60 snem ka rta. La pyntip ruh ha ka jingtohkit ia ka met jong une u rangbah la lap ba ym shym la don kano kano ka dak mong bad ia ka daw ka jingkhlad une u rangbah ruh ki pulit kip pat tip satia ka tynrai.
Namar kata, hadien ka jingtohkit la pynkit noh ia ka met une u rangbah sha NEIGRIHMS Hospital Shillong na ka bynta ka postmortem examination khnang ban tip ia ka daw ka jingkhlad une u rangbah. Ka jingtohkit halor kane ka jingkhlad une u rangbah ka dang iaid shakhmat na ka bynta ban tip ia ka daw tynrai jong ka jingiap jong u. kane ka long ka khubor ba la ioh lum na ki bor pulit ka East Khasi Hills.
