Ha ka jingiakhun ia ka UEFA Nation League kaba la long ha Allianz Arena Stadium ha Nongbah Munich, ka kynhun ialehkai phutbol ka Germany, ka la lah ban pynliem da 1-0 pyrshah ia ka Netherlands bad ia katei ka kol kaba kordor na bynta ka Germany, la thep da u J. Leweling ha ka minit ba 64 jong ka kylla miet ka jingiakhun
Ha kawei pat ka jingiakhun kaba la long hapdeng ka France pyrshah ia ka Belgium, kaba la long ha King Baudouin Stadium ha Belgium, ka France ka la lah ban pynliem ia ka Belgium da 2-1. Ia ki kol na bynta ka France la thep da u R. Kolo Muani, uba la ioh ban thep ar kol, kata ha ka minit ba 35 ka kylla step bad ha ka minit ba 62 jong ka kylla miet ka jingiakhun. Katba ia ka Belgium la thep da u L. Openda ha ka minit ba 45+3 jong ka kylla step.
Katba haba phai sha ka jingiakhun kaba la long hapdeng ka Italy pyrshah ia ka Israel, ka Italy ka la lah ban pynliem ia ka Israel da 4-1. Katei ka jingiakhun ka la long ha Bluenergy Stadium ha Udine Italy, ia ki kol na bynta ka Italy la thep da u M. Retegui ha ka minit ba 41, nangta bud sa ki arkol kaba la thep da u G. Di Lorenzo uba la thep ha ka minit ba 54 bad 79 lem bad ka kol kaba la thep da u D. Frattesi uba la ioh thep ha ka minit ba 72. Katba ia ka shi kol na bynta ka Israel la thep da u M. Abu Fani ha ka minit ba 66 jong ka kylla miet ka jingiakhun.
