Ka sorkar jylla hynnin ka sngi ka la ioh ban iasoi sngewthuh jingmut lane ka Memorandum of Understanding (MoU) bad ka Indian Institute of Management ka nongbah Shillong ban iatreilang halor ki mat kiba iadei bad kumno ban wanrah jingkylla ha ka imlang ka sahlang.
Ha kane ka jingiasoi sngewthuh jingmut hapdeng u Bah Cyril V Diengdoh, Secretary ka tnad Planning a sorkar jylla bad u Prof. DP Goyal, Director jong ka IIM Shillong ha ka jingiadon ryngkat u Myntri Rangbah ka jylla, u Conrad K Sangma, u Shisir Kumar Bajoria, Chairman IIM Shillong lem bad kiwei kiwei.
Haba kren ha katei ka sngi, u Conrad K Sangma u la ong ba ka long ka sngi ka ban sah jingkynmaw ba kane ka jingiasoi sngewthuh jingmut kadei ruh ka sngi kaba kum ka jylla, ka kynmaw burom ia ka lyngkhuh sngi iap jong u khla wait ka ri, u Syiem Tirot Sing Syiem.
U Conrad K Sangma u la ong ruh ba kane ka jingiasoi sngewthuh jingmut kadei ka mat ba kum ka sorkar jylla ka phai khmat kyrpang bad bynrap ruh ba kane ka dei ka sngi bad ka IIM Shillong kan sdang bad iai bteng nangne shakhmat.
U la iathuh ruh ba lyngba kane ka jingiasoi sngewthuh jingmut, ka jingphai khmat kaba kyrpang kan dei ruh halor ka Chief Miniter’s E-Challenge Business Plan Competition kaba wan ban shim bynta da kumba ar hajar tam ki paidbah manla u snem.
