Halor kawei na ka jingjia kaba la jia ha 16 tarik u Naitung 2024, ha ka por 2 baje mynstep ha MBOSE Laitumkhrah Guest House, u MLA ka Rangsakona na Garo Hills u Subir Marak mynta ka sngi u la pynpaw ia ka jingsngewkhia kaba jur halor ka jingsaphriang ka dur khih, kaba dei na katei ka jingjia kaba la jia hapdeng jong u bad u Nongap katei ka Guest House.
Kumba la paw ha ka dur khih ba la saphriang ha ki rynsan social media, la kynnoh ba katei ka dur khih ka dei kaba la kynnoh ba u MLA ka Rangsakona u la thap ia u Nongap katei ka Guest house, bad ba la kynnoh ruh ba u MLA ka Rangsakona u la thap ia utei u nongap ka guest house ka dei tang na ka daw ka jingslem ban plie ia ka khyrdop katei ka Guest House.
Haba ia kren bad u Meghalapost.news lyngba ka Mobile Phone, u MLA ka Rangsakona na Garo Hills, u Subir Marak, u la ong ba kum u Nongmihkhmat paidbah na Garo Hills, u dap shisha da ka mynsiem jong ka jingsngewkhia kaba jur kaba dei hadien ka jingsaphriang ka dur khih ha ki rynsan social media, namar halor katei ka jingjia la dep ban ia pan map bad ruh ban ia kren iasuk bad kaba sngewlyngoh pat ba katei ka dur khih ka dang saphriang ha ki rynsan social media.
U la iathuh ruh ka daw kaba la poi sha katei ka jingjia, ka dei hadien ba ki don ki nonghikai na Garo Hills kiba la wan sah lypa ban ia kynduh ia u Myntri ka tnad Pule puthi ka jylla ba la pynbiet ban sah, ha kaba da lade u la leit buh ia ki nonghikai ban leit sah ha katei ka guest house, hynrei hadien ba poi ha katei ka guest house ki hap ban ap haduh shiteng kynta bad nalor kata ruh la kyrsiew bad pynpah ia ka siren kali dei tad haduh ba la hap kiew ia ka kynroh da u PS jong u, ba utei u nongap katei ka guest house u la wan plie ia ka khyrdop jong katei ka guest house.
U la ong ruh hadien ba la wan plie ia ka khyrdop, utei u nongap u la kren heh bad wat ka lok jong u ruh ka kren heh kren meng bad pyni bor ba kam dei shu ka por ban plie, namar la khang naduh ka por 10 baje mynmiet bad ha ka jingpyni bor u la kum thap ia utei u nongap kaba dei ka jingbitar halor ka jingpynibor jong u bad ka lok.
Shuh shuh, wat la katta ruh ha ka sngi kaba ba bud, u la phah leit pan map da u PSO jong u sha utei u nongap ka guest house bad ban ia kren iasuk halor katei ka jingjia, kaba u la kloi ban ia map bad kaba sngewsih ka long ba ka dur khiah ka la saphriang ha ki social Media kaba long ka jingktah ia u kum u Nongmihkhmat paidbah, ha kaba lada u iaid katkum ka lynti, utei u nongap pahara u la pynkhein kyndon kaba u khlem da burom ia u nongmihkhmat ba la jied da ki paidbah.
Shuh shuh, haba kylli, halor katei ka jingpan map bad ia kren ia suk, u MLA ka Rangsakona, u Subir Marak, u la ong ba halor kane ka jingjia u la phah hi da u PSO jong u ban leit pan map bad ban ia kren ia suk, ba utei u nongap ruh u la hun ban iasuk bad ka daw kaba um lah ban leit da lade ruh ka dei namar ba u ba um don por shuh ban leit da lade na ka daw ka jingshitom kiba haïing kaba u hap ban leit kyrkieh sha Tura ba u bahaïing jong u, u shitom jur.
Hadien ka jingiakren bad u Meghalayapost.news, u MLA ka Rangsokona, u Subir Marak, u la phah ruh ia ka Message lyngba ka Whatsapp number, kaba u la pyntip bad pynshai ruh halor katei ka jingjia kaba dei ha ka ktien English kumne harum:-
“The incident happened on 16th July 2:00 am.I booked MBOSE guest house at Laithumkrah, in my name. The guests were teachers representatives from Garo hills.They had an appointment with Education minister as well with Director DSEL on 16 July.On 15 evening I’ve invited them for dinner to my residence.
After dinner I personally came to drop them to the guest house.Reached at 2:00.am.I had waited there for half an hour blowing siren and horn, later after half an hour my PSO climbed over the wall and woke the chowkidar of the guest house. Then we had some verbal argument. Chowkidar’s wife was talking very rudely, so I gave a mild slap to the chowkidar, which I should not have done being a public representative. But it all happened out of heat of the moment. I have infact asked apology from the chowkidar. But despite apologies, they made the video viral, which should not have been done.This is unfair and breach of privilege of an elected member.”
