Ka dei ka History ba nyngkong haka khana pynkha khun ka Bethany Hospital Nongpoh, ha kaba kawei ka longkmie naka shnong Syadrit ha Ri-Bhoi kala kha haduh 3 ngut ki khun shisien kha, bad kane ka dei ka jingjop kaba khraw jong ka katei ka jaka ai jingsumar ha Nongpoh hadien ka jingtrei shitom ki doctor bad ki nurse ban pynkha ïaki khun bad katei ka longkmie bad 3 ngut ki khun kiba kala kha mynta ki don hapdeng ka jingsumar bad ka met ba koit khiah.
Katei ka longkmie kaba la kha haduh 3 ngut ki khun shisien kha ka dei ka kong Pretiful Suting kaba dei ruh ka kurim jong u Bah Swod Jana bad u Blei u la kyrkhu ïa kitei ki shijur haduh 3 ngut ki khun kynthei shisien kha kiba dei ruh ki khun nyngkong jong ki.
Naka liang ka kmie bad u kpa kitei ki khyllung bad ka iing ka sem kila pynpaw ba kane ka dei ka jingkyrkhu u Blei bad pynpaw ruh ka jingsngewkmen kaba khraw bad kim shym poi pyrkhat ba katei ka kmie kan kha haduh 3 ngut ki khun bad don ruh hapdeng ka jingkoit jingkhiah.
Naka liang u Dr G Wahlang Gynecologist u la pynpaw ba katei ka longkmie kala suh khlem pat dap bnai bad naka liang jong u, u la pyrshang da kaba pynkha hi, hynrei namar ka jingbym shong bha ki khyllung kim banse ban shu puid ïa katei ka longkmie.
U la pynpaw ruh ba kum ka kynhun ki doctor kim don kano kano ka jingeh haba sei ïa kitei ki 3 ngut ki khyllung hynrei kitei khyllung ki long kiba kham rit bad baroh ki dei ki kynthei.
Peit ruh haka Youtube Channel jong ngi:
