Ka jingleit pyniasoh u Bah Charles Marngar sha ka party NPP kam dei satia ka rai jong u shimet bad shuwa ban shim ia kane ka rai la pynlong shuwa ia ka jingialang jong ka Mawhati Block Congress Committee ha kaba ryngkat ki nongialam bad ki nongtrei ka Block Committee ki la shim lang ka jingmynjur ba kim don satia kano kano ka jingsngewpher halor ka jingleit pyniasoh u MLA ka Mawhati sha ka party NPP.
Kane ka jingialang kadei kaba la long ha ka 19 tarik ha Nongjri, ha kaba ka Mawhati Block Congress Committee ki la pynlong shuwa da ka jingialang ban ia kren halor kane ka phang shuwa ban leit pyniaosh sha ka party NPP. Ha kane ka jingialang la shim bynta naduh u Bah Charles Marngar kum u MLA ka Congress, ki nongialam ka Block Committee bad kynthup ruh ki nongkyrshan jong ka party.
Kumba la pypaw, kane ka jingshim rai ban leit pynasoh u Bah Charles Margar MLA ka Congress sha ka party NPP, kam dei satia ka rai jong u marwei bad ka ladei ka rai ba la ia rai ia lang da ki nongialam ka Mawhati Block Congress Committee bad ki nongkyrshan, kaba dei hadien ba ki la bitar ruh halor ka jingshah sospon u MLA ha ka MPPC bad na ka bynta ka roi ka par ruh ba kin wan ki jingkylla ha kane ka Constiteuncy kaba dang dei kawei na ka Constituency kaba dang sahdien ha baroh ki liang.
