Ha ka jingiakhun ba-ar jong ka kynhun ialehkai phutbol ka Meghalaya ha ka wat ba khatduh ha ka Santosh Trophy kan dei pyrshah ia ka Kerala, ia kaba kan sa iakhun mynta ka janmiet ha ka por 7:30 ha Deccan Arena Stadium, Hyderabad.
Kum ban shu kdew hangne, ba ka jingiakhun ba nyngkong jong ka Meghalaya ka dei pyrshah ia ka Tamin Nadu, ha kaba ka jingiakhun ka la kut ha ka jingiakhaid kaba da mar ar kol bad u namtam ha katei ka jingiakhun dei u Damanbhalang Chyne, uba la ioh ban thep ar kol, kata ha ka minit ba 50 bad ha ka minit ba 69.
Ka Meghalaya ka dei ka kynhun kaba don ha ka Group-B, ha kaba la donlang kiwei ki kynhun ialehkai, kiba kynthup ia ka Delhi, Kerala, Tamil Nadu, Goa bad ka Odisha.
Ki kynhun kiba wan ha ka kyrdan nyngkong bad ba-ar na ka Group-A bad Group-B, kin sa ioh ia ka kabu ban iakhun pat sha ka thup jong ka Semi Final ha ka Santosh Trophy ba mynta u snem.
