U Tamayo Perry, u actor bala paw haka phlim Pirates of the Caribbean, u ba dei ruh u nongpynlait im ha ki rud duriaw, u la khlad noh na kane ka sla pyrthei haka rta kaba 49 snem hadien ba u la shah thombor haki dohkha shark, la pynbna ka Honolulu Emergency Medical Service.
Utei u actor u dei ruh u ba la paw haka phim Blue Crush, Charlie’s Angels: Full Throttle bad kiwei kiwei.
Katkum ka tyllong khubor la iathuh ba u Tamayo Perry u la shah thombor haki shark ha Hawaii hajan jongka dewlynnong Goat Island. Na ka liang ki bor ba dei khmih tang mar ia ioh jingtip halor katei ka jingjia, mar mar ki la mih ban leit shaw u da ki lieng, hynrei hadien bala wanrah ia u sharud duriaw, la pynbna ba u la khlad noh ryngkat ki dak ki shin ba u la shah dait ha kiba bun ki bynta jong ka met.
