U Kepler Laveran de Lima Ferreira bad uba la kham tip paidbah kum u Pepe, uba dei ruh u rangialehkai phutbol ba la bna nam na ka ri Portugal, u la pynbna ba u la shongthait noh ialade na ka kam ialehkai phutbol.
U Pepe u la don mynta la 41 snem, u dei ruh uba la mihkhmat ban lehkai na ki Klob ba la bna nam ha ka pyrthei bad haduh ka khyllip mat ba un shongthait noh na ka kam ialehkai phutbol, u la ialehkai na ka Real Madrid, ka klob ialehkai ba paw na ri Spain.
U Pepe, u dei ruh uba la don bynta bad ka ri Portugal ha ka Euro Cup 2016, ha kaba ka Portugal ka la long ruh kum ka lahduh hapdeng ki ri ha ka dewbah Europe.
Nalorkata, u Pepe ha ka por ba u mihkhmat na ka Real Madrid, u la lah ban ialehkai bha ha man ki jingiakhun bad kaba la pynlong ruh ia ka Real Madrid ba kan khur shibun ki khusnam, kiba kynthup ia ka UEFA Champions League, ha ka La Liga, Copa del Rey, UEFA Super Cup, ha ka Fifa Club World Cup lem bad ha kiwei pat ki lympung iakhun bapher bapher.
