Ka Meghalaya Bharatiya Janata Party (BJP) hynne ka sngi kala kyntu iaki paidbah ka Jylla ban ia shim bynta ban pynher lama India lane ka ‘Har Ghar Tiranga Campaign’.
Ia kane ka ‘Har Ghar Tiranga Campaign’ yn sdang naduh 11 tarik haduh 15 tarik Nailar 2024, kaba dei ruh ka sngi laitluid ka Ri India.
Haba kren sha ki lad pathai u National Secretary ka BJP uba khmih iaka Meghalaya u Anil K. Antony ula ong ba iaka ‘Har Ghar Tiranga’ la pynlong kum shi bynta ban kynmaw burom iaki nongialeh ban pynioh laitluid iaka Ri India.
U Anthony ula kyntu iaki paidbah ka Meghalaya ban pynher iaki lama India hala ki ing ki sem naduh 11 haduh 15 tarik ban pyni iaka jinglong iatylli bad ka jingsngewsarong iala ka Ri.
“Haka 12 bad 13 tarik Nailar, ka jingpynhet lama India kadei ban kynmaw burom iaki nong ialeh laitluid iaka Ri bad haka 14 tarik Nailar ka jingpynher lama kadei ban kynmaw iaka jingshah phiah ka Ri hashuwa ban ioh laitluid” la ong u Anthony.
