Guwahati, Jylliew 13: U Myntri Rangbah ka jylla Assam, u Himanta Biswa Sarma mynta ka sngi haba leit jngoh sha ka thain Dhubri, kum u myntri rangbah u la ai syndon da ka hukum kabna khor bha bad kata ka hukum ka long ban siat beit naphang ïa kino kino ki kynhun kiba ki thmu ban pynjot ïa ka jaka mane blei ki Hindu ha ka thain Dhubri jong ka jylla Assam.
U Himanta Biswa Sarma u la pynmih ruh ïa kane ka hukum, ka dei hadien la don ka kynhun kaba thmu ban pynjot ïa ka Human Mandir ha Dhubri ka jaka mane blei ki paid Hindu bad ruh ha ka jinglehkmen Eid la don kiba wan bret syndon da ka Doh Masi ha ha katei ka jaka mane blei ki Hindu kaba la pynjah burom bad ba ki khein sang katkum ka jingngeit ki Hindu.
Lyngba kane ka jingjurip ha ka thain Dhubri, halor kitei ki kam pynjah burom bad leh sang ïa ka jaka mane blei ki hindu, u Himanta Biswa Sarmar kum u Myntri rangbah ka Assam, u la ai ïa katei ka hukum kaba la eh bha ban siat beit naphang ïa kino kino ki kynhun kiba pyrshang ban wan rah jingïapher bad ruh kiba thmu ban pynjot wat ïa ki jaka mane blei, kaba u la hukum ïa ki bor pulit ne ki nongap pahara ki dei ban siat beit ïa kum kita ki kynhun kiba thmu ban wan rah jingïapher hapoh ka jylla Assam.
