U Myntri Rangbah ka ri u Narendra Modi mynta ka sngi u la leit ban jngoh ïaka jaka hap jong ka liengsuiñ Air India ha Ahmedabad kaba dei ka jingjia kaba shyrkhei haduh ba ki spah ngut ki briew kila duh noh ïala ka jingim bad kynduh ruh ïaki ophisar, ki kynhun ïarap kiba la trei shitom katlah katïai hadien ka jingjia bad kumjuh ruh ïa kito kiba mynsaw.
Naka liang u Modi u la phah ruh ka khubor sngewlem sha kito ki longiing kiba la mad ïaka jingjia ba sngewsih bad duh noh ïa kiba ieid ba thoiñ ba ym lah shuh ban ïa peiñ, bad leit ruh ban kynduh kyrpang ïa u Vishwash Kumar Ramesh uba la lait im marwei napdeng kiba shong ha katei ka liengsuiñ.
