Nongpoh, Risaw 17: Ka Ophis District Tuberculosis Ophisar, Ribhoi District mynta ka sngi ka la ioh biang ban sam ïaki Marbam kiba tei met (Nutritional Food Basket) Sha ki Nongpang TB kiba dang don hapdeng ka jingsumar bad Dih Dawai ïakaba la ïoh ban pynlong haka Auditorium Hall jong ka Umsning Town Dorbar.
Ïa kitei ki Marbam la sam sha ki Nongpang daka E. Pradhan, IAS, Assistant Deputy Commissioner Ribhoi District, Dr. E Kalwing District Tuberculosis Ophisar, Ribhoi, Kong Balakyntiew Umbah, President ka RAWA lem bad kiwei kiwei.
Kum ban shu kdew, Ki Nongai sngewbha iaki Marbam lane ki Nikshay Mitra ki la don haduh 47 ngut kiba kynthup ïaki riew Shimet bad ki kynhun bad la lah ban Ïarap Marbam haduh 530 ngut ki Nongpang TB. Ki Nongpang TB kiba dang don hapdeng ka jingshah sumar ki don haduh 257 ngut bad napdeng kitei la lah ban kyrshan Marbam haduh 243 ngut bad 14 ngut naki kim pat ioh ban pdiang iaki jingiarap.
Dr. E. Kalwing ka District Tuberculosis Ophisar, Ribhoi ka la Pynpaw ïaka jingsngew nguh ïa u Deputy Commissioner ka Ribhoi uba la shim khia ban pynïoh ïaki Nongkyrshan Jingbam naka bynta ki Nongpang TB hapoh ka Ribhoi District bad dei lyngba ka jingshimkhia U DC la lah ban sam iakine ki marbam sha ki Nongpang TB kiba la ai da ki retail outlet kiba kynthup ïaka HPCL, BPCL bad ka IOCL kiba dei ki Petrol pump ha Ribhoi.
Ka Dr. E. Kalwing ka kyrpad ïaki Paidbah Naduh ki Riewshimet ki Nongmihkhmat lane ki kynhun ba kin mih shakhmat ban kyrshan Marbam iaki Nongpang TB khnang khnang ba yn lah ban rat diengkhong ia kane ka jingPang.
