Mairang, Rymphang 12: Tang hapoh ki 2 sngi ba la iaid ka jingtohkit na ka jingjah u Samla Kerang Sawkmie, 25 snem ka rta ba la kynnoh ba u la jah naduh ka 6 tarik u Rymphang 2026 katba u dang leit ban thohdieng sha khlaw bad ki Pulit ka Mairang Police Station mynta ka sngi ki la leit ban ialam ia 3 ngut ki briew ba la shah kem bad ba la suba pyniap ia utei u samla sha ka khlaw ba la suba shah pyniap utei u samla.
Kum ban pynkynmaw, u samla Kerang Sawkmie u dei u ba shong basah ha Nongthymmai Eastern West KHasi Hills District bad une u samla la kynnoh ba u la jah na la ing naduh katei ka 6 tarik u Rymphang 2026.
Dei hadien ba la suba ia ki 3 ngut bad ba la kem da ki Pulit, ki Pulit ka Mairang Police Station mynta ka sngi ki la leit syndon ban ialam ia kitei ki 3 ngut sha katei ka jaka ba suba shah pyniap u samla Kerang Sawkmie na ka bynta ban pynlong ia ka jingtohkit kaba kham bniah halor kane ka jingjia.
Shuh shuh, ki Pulit ki la ialam ia kitei ki 3 ngut sha ktei ka ka khlaw kaba jngai kumba 1 km na ka shnong ba shong bas ah u samla Kerang Sawkmie, ha kaba ki Pulit ki la tohkit bad kylli na kitei ki 3 ngut kiba la phla ban pyni ia ka jaka kaba iakajia kaba la poi shaduh u pud ka jingiap u samla Kerang Sawkmie.
