Lai ngut ki briew kiba la duh noh ia la ka jong ka jingim bad kata ka dei hadien ba Jhad kaba kit ia ki nongleit nongwan, ka la kem ding kynsan katba ka dang iaid ha ki bynta jong ka duriaw jong ka Indonesia’s North Sulawesi Province.
Katei ka jingjia ba kem ding kynsan katei ka Jhad kaba kit ia kumba 280 ngut ki nongleit nongwan, ka dei mynta ka sngi u Blei, ha kaba lyngba katei ka jingkem ding kaba kynsan jong katei ka Jhad, la don ruh ki passenger kiba la ryngkoh sha Duriaw.
Ki tyllong khubor, ki iathuh ba na kitei ki 280 ngut, 150 ngut la lah ban iarap ne ban pyllait ia ki na ka jingmynsaw, da ka jingiarap ka kynhun Disaster & Rescue Team lem bad ki nongtong dohkha ha Duriaw, hynrei ki dang don sa kumba 130 ngut, kiba dang sahkut hapoh katei ka Jhad.
Katei ka Jhad kaba la kem ding kynsan, ka dei kaba la tip kum ka KM Barcelona 5, ha kaba ka la kem ding kynsan ha ka por ba dang iaid ha Duriaw bad tang mar ia kem ding katei ka Jhad, ki nongpeit nongkhmieh jong katei ka Jhad, ki la pyntip sha ki briew ka Disaster Management bad kiba la poi sha katei ka jaka ba kem ding ka Jhad, ka jingwad ia ki bym pat lap ka dang bteng shaid shaid.
