Ïoh pdiang kyrdan Ph.D ka Samla Balarishisha Nongkynrih

Shillong, Naitung 21: Kum kawei na ka samla na ka jaid bynriew Khasi bad kaba long ruh ka jingsarong ban iohi ba ki samla ki la poi sha ki kyrdan ba shajrong ha ka pule ka puthi, ka samla Balarishisha Nongkynrih, kaba dei ka khun jong i Bah Reginal Thangkhiew bad ka Kong Arabian Nongkynrih na Mawlai Nongkwar, ka la iohpdiang ïa ka kyrdan Doctor of Philosophy (PhD) na ka Skulbah North- Eastern Hill University, Shillong hapoh ka jingpeit jingkhmih ka Prof. Antoinette Kharmalki ba ka la pynlut ia ka por halor ka jingpule bniah kaba dei halor ka phang, “Ka Jingkhlaiñ jong ka ktien Khasi ha ka kynhun Khasi ba bud ïa ka Niam Islam ha East Khasi Hills District”.