Nongpoh, Lber 09: Ki Ar ngut ki shi paralok kiba dang wan phai na ka Jingïaseng Synod Rangbah ka Ri Bhoi Presbyterian Synod kaba long hynnin ka sngi U Blei ha Diwon, ki la duh noh ïa la ka jingim kaba deihadien ba la suba ba ki shah syllad ha kawei ka bus kaba dang wan hi na katei ka jingïaseng Synod.
Kumba la ioh lum jingtip la ong ba kane ka jingjia ka la jia hynnin ka janmiet ha ka por 8 baje ei ei hadien ba ki la poi ha Umran Dairy ha kaba la ïathuh ba kitei ki samla ki shong da ka Scooty bad katba ki dang pyrshang ban knieh ïaid shakhmat ïa katei ka bus bad ki la shah syllad noh haduh ba la mynsaw jur bad ki la duh syndon ïa la ka jingim.
Katei ka Bus kaba wan Synod ka don ïa u number ML 01 7432 bad katei pat ka Scooty pat ka don ïa u number ML05 N9547.
Kitei ki ar ngut ba la khlad noh ha kane ka jingjia la tip kyrteng kum u Eliphast Umbah 24 snem ka rta na ka shnong Umdohkha ha Ri Bhoi uba la khlad ha katei ka jaka ba la shah syllad ha ka Bus bad uwei pat ba la rah sha CHC Umsning la tip kyrteng kum u Ribansuk Syngkli 29 snem ka rta na ka shnong Bhoirymbong.
Halor kane ka jingjia, ki Pulit ka Umsning Police Station ki la wan poi mardor sha katei ka jaka ban pynlong ïa ka jingtohkit na ka bynta ban tip ïa ka daw tynrai jong kane ka jingjia bad ruh ban leh karkum ki kyndon jongnka ain.
