Nongpoh Risaw 16: Ka Ophis u District Sports Officer, Ri Bhoi District, Nongpoh haka jingiasnohkti lang ka Ophis U BDO Jirang mynta ka sngi kala pynkut noh ia ka lympung Jong ki Samla ban pyni ïaka sap ka phong jong ki khun samla ïakaba la tip ka “Block Level Chief Minister Youth Engagement Programme 2025” kaba nyngkong halor ka Phang “Empowered Youth, Empowered Meghalaya”, kaba 2 sngi iaka ba la pynlong ha St.Peter’ Sec. School, Umkadhor kaba hap ha Jirang Block.
Ïa katei ka Lympung ki Samla kaba la pynlong hapoh Jirang Block la sdang hynnien ka sngi ka 15 tarik Risaw hakaba la wan ban plie da u BDO ka Jirang Block u Dr. P Hajong haka jingiadonlang u Bah Bobby L Nongbet, District Sports Ophisar, Nongpoh, Kong Rida Lyndem PTI District Sports Ophis, Nongpoh lem bad kiwei kiwei.
Ha kane ka prokram kaba ar sngi kynthih la sakhi ia ki jingiakop bapher bapher kaba kynthup ia ka jingiakop dro bad airong, ka jingïakop tem Guitar, ka jingiakop rwai bad shad tynrai, Quiz, bad kiwei kiwei, ha kaba la wan ban shim bynta daki khun samla kynthei bad shynrang jong ka Block Jirang bad napdeng kitei ki samla Naka liang ka ophis u DSO kan jied 68 ngut ki samla kiba kynsai tam ban leit ïa shim bynta pat sha ka District Level ban ïakop pyni sap pat bad kiwei kiwei ki Block na Ribhoi.
Ha kane ka sngi Pynkut la wan ban pynhap pyrda noh da u Myntri Ka Sorkar Jylla, u Bah Sosthenes Sohtun uba dei ruh u MLA/MDC ka Jirang Constituency haka jingiasakhi lang U C Awasthi SDO (Civil) Patharkhmah Civil Sub Division, Symbud Kongsan, U BDO ka Jirang Block Dr. P Hajong Lem bad ki Nongtrei naka Ophis U DSO bad Naka Ophis U BDO Jirang, ki Khynnah Skul bad ki. Nonghikai.
Ha kaba kut pat jong katei ka lympung naka liang ka Ophis u DSO ki la sam ïaki khusnam sha baroh ki nongjop bad ïako syrnot sha baroh kiba la wan ban ïa shim bynta ha katei ka lympung kaba arsngi.
