Ha ka jingiakhun ka jingiaknieh ban rung sha ka World Cup 2026, ka Cape Verde ka ri kaba don ia ka jingbun briew kaba tang 5 lak tam, ka la lah ban pynthikna ialade ban rung sha ka World Cup 2026, ha kaba katei ka jingpynthikna ka dei hadien ba ka la lah ban pynliem noh ia ka Eswatini da 3-0.
Ha ka jingiakhun ba khatduh bad ka ban pynthikna ia ka Cape Verde ba kan rung sha ka World Cup, ka dei ha ka jingiakhun kaba la long hynnin ka miet ha National Stadium ha Praia, ha kaba ka Cape Verde ka la lah ban pynliem noh ia ka Eswatini da 3-0, kata lyngba ki kol kaba la thep da u Dailon Liaramento, Willy Semedo bad u Stopira.
Kumba shu kdew ba ha ka jingiaknieh ban rung sha ka World Cup 2026, ka Cape Verde kaba don ha ka Group-D bad kaba don hakhlieh duh jong ka miej iakhein poin, da kaba tam wat ia ka Cameroon, kaba dei ka ri kaba la ioh rung manla ka por sha ka World Cup.
Lyngba katei ka namjop, ka Cape Verde kan sa iohlad ban iakhun lem bad kiwei pat ki ri kiba la kiew eh ha ka kam ialehkai phutbol bad ka World Cup 2026 yn pynlong ha 3 tylli ki ri, kata ha Canada, Mexico bad United States.
