Leit Pan Map U Govind, U Hymmen Ka Sonam Ïa Ka Kmie U Raja Da Kaba Kdup Bad Ïam Kthang

Shillong, Jylliew 11: U Hymmnen ka Sonam Raghuvanshi, da lade mynta ka sngi u la leit sha Indore ban panmap na ka kmie u Raja Raghuvanshi ka Uma Raghuvanshi, halor ka jingshah pynïap u Raja Raghuvanshi sha Sohra ha ka jylla Meghalaya ba la kynnoh don kti ka para jong u ka Sonam Raghuvanshi bad ki 4 ngut ki runar.
Ha kane ka jingleit pan map, u la kdup ruh ïa ka kmie u Raja Raghuvanshi bad pynpaw ruh ba wat ki kmie ki kpa jong u bad ka ing ka sem ki la pdiang halor ka jingkynnoh don kti ka Sonam bad lada ka don kti shisha ka dei ban shah pynshitom bad wat lada dei ban sdien phasi ruh.
Haba pan map na ka kmie u Raja, u Govind Raghuvanshi, u la pynpaw ruh ba lada ka Sonam ka la don kti ha kaba pynïap ïa u Raja kum u hymmen ruh u la pynkut noh ka jingïadei bad ka para jong u ka Sonam Raghuvanshi.
Shuh shuh, haba kdup ruh ïa ka kmie u Raja da ka jingïam bad ki ummat, u la pynpaw ruh ba ka ing ka sem jong u, ki la pynkhreh ruh ban thung noh da u nongsaitain ban ban pyrshah ïa ka Sonam Raghuvanshi bad lada ka la don kti shisha ha katei ka kam pynïap briew ka don hok ban shah pynshitom bad wat ban phasi ruh. La pynpaw u hymmen ka Sonam u Govind Raghuvanshi.