Ka Central Bureau of Investigation (CBI), Guwahati ka la kem ia arngut ki briew ba kynthup ia u Nirmalendu Saha Professor jong ka Zoology ba dei ruh u Dean jong ka School of Life Sciences ka skulbah North Eastern Hill University, Shillong bad uwei u riew shimet bala tip kyrteng kum u Pranjal Sharma na Beltola, Assam ha kaba ïadei bad ka jingbam sap kaba la kot kumba 3.43 lakh ha Guwahati University Guest House, Guwahati.
Ïaka case la register da ka CBI haka 11 tarik Jylliew 2025 pyrshah ïa kitei ki 2 ngut hadien ka jingioh jingtip kaba thikna ba Pranjal Sharma ba dei ruh u kontraktor haka jingïakynduh bad u Nirmalendu Saha u ba dei u Professor ka skulbah NEHU kila donkti haka kam bamsap ha kaba ïadei bad ka jingsupply ïaki tiar sscience bad Laboratory bad kiwei kiwei bad kumjuh ruh ban pynkhuid ïaka bill.
Naka liang ka CBI kala pynap shrip bad kem noh ïa kitei ki ar ngut bad mynta ka sngi ka 12 tarik Jylliew yn rah tian bishar ïaki sha iing kashari ha nongbah Guwahati.
Shuh shuh ka CBI kala pynlong ruh ka jingtalasi haki 2 jaka bad lap ruh ïaki kot ki sla kiba pynshisha bad ka jingtohkit halor katei ka kam bamsap ka dang ïaid shakhmat.
