Mynta ka sngi kumba ha ka por 1:38 mynsngi kawei ka Liengsuiñ Air Indïa ka la hap bad kem dieng tang hadien ba ka dang her sha suiñ da ka jingthmu ban leit sha London.
Ha kane ka jingjia palat spah ngut ki passenger ki la duh ïa la ka jingim bad bun ki la mynsaw wat la ym pat ioh ïa ka jingtip kaba thikna, namar ha ka por ba kane ka Lingsuin ka la hap sha khyndew ka la kem ding bad la mih da ki tdem iong suda.
Kumba la ioh lum jingtip, ki don haduh 242 ki passenger kiba shong ha katei ka Liengsuiñ Air India bad ym pat lah ban tip ha kano ka rukom ka la hap bad kem ding sha Khyndew, namar tang hadien ba ka la sdang ban her sha suiñ ban leit sha London ka la hap kysan noh ha jan Airport Amedabad bad kane ka jinghap kynsan katei ka lingsuiñ ka la pynkhih win ïa ki paidbah kiba la iohi ïa kane ka Liengsuiñ kaba la hap biang sha Madan.
Ki kali pynlip ding, ki pulit bad ki bor sorkar tang mar ïa hap katei ka Lingsuin ba la kem ding ki la her sted sha katei ka jaka ban pynlip ïa ka ding ba la klang ha katei ka Liengsuin bad ruh ban ïarap pynlait ïa ki passenger kiba dang sahkut hapoh katei ka Lingsuin.
