Ha ka jingiakhun ha ka AFC Champions League, ka Al-Hilal ka Klob na Saudi Arabia bad kaba don ruh ha ka kyrdan kaba hakhlieh ha ka miej iakhein poin ha ka Saudi Pro League, ka la lah ban pynliem noh ia ka Al-Ain FC ka Klob na UAE da 5-4.
Katei ka jingiakhun hapdeng kitei ki Klob ba radbah, ka la long ha Hazza bin Zayed Stadium ha United Arab Emirates.
Ha katei ka jingiakhun, ka Al-Hilal ka la ioh ban pynkhih jar nyngkong ia kaba la thep da u R. Lodi ha ka minit ba 26 jong ka jingiakhun, nangta bud sa ka kol na u S. Milinkovic-Savic uba la thep ha ka minit ban 45+2, hadien kata pat sa ka kol na u S. Al-Dawsari uba la thep ha ka minit ba 45+5 jong ka kylla step.
S. Al-Dawsari, u la long kum u namtam na bynta ka Al-Hilal, ha kaba u la ioh ban khur ia ka Hat-trick, namar ba u la ioh ban thep 3 kol, ka shikol ba u la thep ha ka kylla step bad nangta ha ka kylla miet u la ioh ban thep sa ar kol bad kiba u la ioh ban thep ha ka minit ba 65 bad 75.
Haba phai pat ha ka liang ki rangialehkai ka Al-Ain, u S. Rahimi, u la long u namtam, namar u la ioh ban thep 3 kol bad khur ia ka Hat-trick, namar u la ioh ban thep kol ha ka minit ba 39, 67 bad ha ka minit ba 90+6. Katba ia kawei pat ka kol la ioh ban thep da u M. Sanabria, uba la ioh ban thep ha ka minit ba 63.
