U Myntri rangbah ka jylla, u Conrad K. Sangma mynta ka sngi u la leit ban shim bynta kum u kongsan na ka bynta ba plie paidbah ia kawei na ka prokram ai jinghikai (Workshop for Forest Officials) kaba la tip kum ka “Forest Survey & Mapping for Meghalaya Using Hybrid System to Analyse Carbon Financing and Phyto-diversity Heat Map & Provisions of the BD Act (Amendment), kaba la pynlong ha Conference Hall, Sylvan House.
Haba kren ha kane ka sngi kum u kongsan, u myntri rangbah ka jylla, u Conrad K. Sangma u la ban khia halor ka jingmyntoi jong kane ka prorkam ai jinghikai kaba dei katkum ka juk stad mynta na ka bynta ban lum jingtip kaba bniah lyngba ki kor ki bor ha kaba ia dei kumno ban tip bniah, ban bishar bniah ia ka jinglong ka bor mariang, ba ha kane ka juk stad mynta ngi donkam ban leh kumta.
“Da kaba pyndonkam ia ki jinglum jingtip na ki tnad sorkar bapher bapher bad ruh ban peit bniah ia ka jinglong jingman kan iarap ruh ia ka sorkar ban thaw shibun ki lad treikam bad kumjuh ruh ban ioh ban shim khia kham bha na ka bynta ka jingmyntoi jong kiba bun balang” ong u Myntri rangbah ka jylla, u Conrad K. Sangma.
U Conrad K. Sangma u la ong ruh ba ka jylla Meghalaya, ka dei ka jylla ba la tip sha ka pyrthei kum kata ka jylla kaba riewspah ha ki jingdon jong ki kynja jingthaw ba im bapher bapher bad ruh ha ka jingnang jingtip kumno ban pyntreikam ia ka Biological Diversity Act bad ruh ia ka Amendment jong u snem 2023 kaba long kaba donkam eh.
“Lyngba ka jingdon kane ka Act kan iarap ruh iangi ban iada kyrpang ia baroh ki kynja jingim ne ki jingthaw ba im bad ki marpoh khyndew na ka bynta ban pynthikna ban ai jingmyntoi ia ka imlang ka sahlang kaba ngi hap ban tip kumno ban pyndonkam ho kia kita ki jingai jong ka mei mariang” ong u Conrad K. Sangma bad bynrap ruh ba ka jingpyntreikam ia kane ka ain ka dei ka thong ba ngi dei ban don kata ka jingiadei kaba jan ban pynim ia ka pateng ban sa wan da kaba ngi dei ban tip ban pyndonnkam ha kata ka rukom kaba kyrpang ia kita ki jingdon jingeh ba ai da ka mei mariang” u la bynrap.
U la pynpaw ruh b aba u dap da ka jingkmen halor ka result ba la mih dang shen jong ka jingwad bniah lyngba ka tnad forest ka Meghalaya ba ki la pyndonkam da kita ki kor ki bor ka juk mynta ba al tip kum ka aerial LiDAR bad Hyperspectral imaging technologies. Da kaba pyndonkam ia kine ki kor ki bork an iarap shuh shuh ban dang wad bniah halor ka jingdon jong ki khlaw ki btap bad ki jingthaw ba im, ka koit ka khiah jong ka maraing bad baroh ki bynta kiba ngi ia khun pyrshah ban pynneh pynsah ia ka mei mariang.
Ha kane ka sngi, u myntri rangbah ka jylla, u Conrad K. Sangma u la pynlait paidbah ruh ia ka final report kaba dei halor kata ka “Forest Survey & Mapping for Meghalaya Using Hybrid System to Analyse Carbon Financing and Phyto-Diversity Heat Map,”.
Kiwei kiwei kiba la ia don lang ha kane ka sngi ki kynthup ia u R S Gill, IFS, PCCF & HoFF, u Dr Arun Kumar Sarma, DG, NECTAR bad u Pravin Bakshi, IAS, Commissioner & Secretary, Forest & Environment & Chairman, Meghalaya Biodiversity Board nalor kiwei kiwei ki heh ophisar na ka tnad forest.
