Ka Kynhun Myntri Sorkar hynne ka sngi kala mynjur ban thung ia u Bah Heimonlang Nongpluh u heh pulit barim ka Jylla kum u dkhot lane Member Non-Judicial jong ka Meghalaya Human Rights Commission (MHRC).
Haba kren shaki lad pathai khubor u Conrad u la ong “Hadien ka jingshong thait noh uwei dkhot (Non-Judicial) jong ka MHRC, ka Committee ba khmih da u Myntri Rangbah kala ibit iaka kyrteng H Nongpluh IPS officer barim bad ka kynhun Myntri Sorkar kala thung ia u Bah H Nongpluh kum u dkhot thymmai ka MHRC”.
U la pyntip ruh, ba ka Kynhun Myntri Sorkar kala mynjur ban thung ia u Lt Colonel Sabastian Marbaniang kum u Zila Sainik Welfare Officer Shillong hadien ba la mynjur daka Committee ba khmih da u chief secretary ka Jylla.
Nalor kane, ka kynhun Myntri Sorkar kala mynjur ruh iaka thup ki sngi shuti jong u snem 2025 (List of Holidays).