Tura, Risaw 16: Ka la long shisha ka jingduhnong kaba khraw, ha kaba da ki phew tylli ki dukan ki la kylla dpei ha Tura Bazar, kaba dei hadien ba ka ding ba shyrkhei ka la pluh bad pynjulor da ki phew tylli ki dukan ha katei ka sor Tura.
Kumba la ioh lum jingtip, la ong ba kane ka jingjia ka la jia ha ka por 3 baje mynstep mynta ka sngi, ha kaba ka ding ka la klang haduh ba bun tylli ki dukan ki la kylla dpei. Katkum ka jingtip ba la ioh lum la ong kumba 13 tylli ki dukan ki la kylla dpei bad ki la julor, hynrei donbok ha kane ka jingjia kam don satia kano kano ka jingjia ba sngewsih lait noh ka jingjulor kitei ki dukan bad ki jingdon jingem hapoh kitei ki dukan.
Halor kane ka jingjia, ki Kali pynlip ding jong ka Fire Service na Tura ki la wan poi ha katei ka jaka ban pynlip mardor ia ka ding bad wat la katta ruh ki jingjulor kitei ki dukan ki la long kiba shyrkhei ha kaba ia daw ka jingpuluh kitei ki dukan ruh ym pat tip satia.
Na ka liang ki bor ba synshar District ka Tura ki dang pynlong ia ka jingtohkit halor kane ka jingshah julor bad ban lum jingtip ruh ia kito ki trai dukan kiba la shah ktah ka kane ka jingjia pluh ding ba shyrkhei.
