U Myntri Rangbah ka jylla u Conrad K Sangma mynta ka sngi u la leit ban buh mawnongrim ban tei ïaka Additional Secretariat Complex ha Dakopgre, Tura, kaba dei ruh ka jingphohsniew kaba la slem jong ki paid Garo bad urlong ha kane ka kynti ba mynta hadien ka sorkar kala mang pisa haduh 156 klur tyngka.
U Conrad Sangma u la ong ruh ba kane ka dei k History naka bynta ka jylla bad khamtam ki paid Garo, namar katei ka Additional Secretariat Complex kam dei tang ka jingtei hynrei ka dei ka testament ban pynurlong ïaka jingangnud ki paidbah, khamtam ban pynjan ïaka sorkar sha ki paidbah bad ha katei ka sngi palat 8 hajar ngut ki paidbah kila sakhi ïa katei ka sngi kaba khraw.
U la ong ruh ba ngi dang thaw ia ki jingtei, da kaba buh ha ka jingmut ia ki 100 snem ban wan ban pynthikna ba ka jingsynshar kam dei tang ban jan bad ki paidbah hynrei ka long kaba suk ban ioh bad ka thong hi ka long ban wanrah ïaka roi ka par kaba ïaryngkat ha baroh kawei ka jylla bad ruh ka jylla Meghalaya kan long kawei naki jylla kaba roi ba par haka ri baroh kawei.
Katei ka Additional Secretary kan don lai tylli ki complex bad ïaka Chief Minister’s Complex yn pyndep noh ha u bnai KyllaLyngkot jong u snem 2027, nalor ki kamra kyrpang naka bynta u Myntri Rangbah, ki myntri sorkar, ki ophisar ba heh haka jylla bad kiwei kiwei ki tnad sorkar.
La sakhi ruh ha katei ka sngi da ka jingdonlang u Speaker Thomas A Sangma, Dy Speaker Timothy D Shira, Dy CM Snaiwbhalang Dhar, ki myntri sorkar ba kynthup ïa u AT Mondal, Dr Ampareen Lyngdoh, Marcuise Marak, Shakliar Warjri, Rakkam A Sangma, Paul Lyngdoh, AL Hek, Comingone Ymbon bad ki MLA na rilum Garo.
