Maharashtra, Jylliew 19: Ki 2 ngut ki rangbah da ka jingbitar halor ka jinglip bording ba khah khah kaba la ktah ia ki paidbah. ki la leit ban wiang ding syndon ia ka ophis treikam ka Maharashtra State Electricity Distribution Company kaba don ha Valgaon jong ka jylla Mahashtra.
Kane ka jingjia ka la jia ha ka 15 tarik u Jylliew 2025, ha kaba katkum ba la sakhi ha ki dur khih kiba la saphriang ha ki rynsan social media, ki 2 ngut ki rangbah ki la leit ban wiang ding ia ki miej bad ki shuki treikam katei ka ophis da kaba synreit da la Petrol bad sa wiang ding haduh ba la kem ding ka miej bad ki shuki hapoh katei ka ophis treikam.
La iohi ruh ba kane ka jingjia ka la saphrang ha ki lad pathai khubor bapher bapher hapoh ka ri India, ha kaba kitei ki 2 ngut khlem jingmap, ki la leit ban wiang ding ia ki miej bad ki shuki, kiba dei ka jaka treikam jong ki nongtrei hapoh ka Maharashtra State Electricity Distribution Company kaba don ha Valgaon jong ka jylla Mahashtra.
Kumba la paw ha ki lad pathai khubor, kitei ki 2 ngut hadien katei ka jingjia ki la shah kem noh ha ki pulit ka Maharashtra bad kine ki 2 ngut kiba don kti ha katei ka kam ki kynthup ia u Avinash Nirmal bad u Vinit Tayade, ba ki Pulit ruh ki la pynhap ha ki kyndon bapher bapher ka Bharatiya Nyaya Sanhita.
