Shillong, Rymphang 23: Ha ka Question Hour jong ka Dorbar mang tyngka mynta ka sngi, u Bah Charles Marngar u la shim ïa ka lad ban buh jingkylli ïa u Mytnri ka tnad ka koit ka khiah, na ka bynta ban wad jingtip halor ka jingshim khia ka sorkar ban kyntiew kyrdan noh ïa ka Mawrong Health Sub Centre sha ka kyrdan PHC.
Haba jubab ïa ka jingkylli u Bah Charles Marngar kum u MLA ka Mawhati, u Myntri ka tnad ka koit ka khiah u Bah Wailadmiki Shylla u la pyntip ha ka dorbar ba ka kam ban kyntiew kyrdan ïaka Mawrong Health Sub Centre ka la ïaid shakhmat.
Haba jubab ruh ïa ka jingkylli, u Bah Wailadmiki Shylla u la ong ba ka sorkar ka dang shu dep lut ban pynbeit ïa kiba donkam bad shen kito ki Health sub centre kiba la donkam ban kyntiew kyrdan yn sa plie bad yn kyntiew kyrdan noh sha ka PHC.
Halor kane ka khubor kaba bha kaba ai jingkmen ïa u kum u Nongmihkhmat na Mawhati bad ruh ka jingkmen ïaki paidbah ka thain Mawrong, u Bah Charles Marngar u la ai ka jingkhublei kaba kyrpang ïa u Myntri ka tnad ka koit ka khiah halor ka jingpynpaw ba shen kin sa plie noh hadien ba la kyntiew kyrdan ïaka Mawrong Health Sub Centre sha ka PHC.
