U Nemesio Oseguera Cervantes ia uba la tip paidbah kum u El Mencho, uba dei u nongialam jongka kynhun Khaïi drok Jalisco New Generation Cartel (CJNG) kaba shyrkhei bad khlainbor ka ri Mexico ula shah pyniap noh ha ki bor shipai katei ka ri Mexico lyngba ka jingiarap ai jingtip bad kyrshan na ka ri United States of America.
U El Mencho udei uwei na ki nong khaïi drok uba la thwet da ki bor shipai katei ka ri la slem bha bad kane ka jingshah pyniap ka jong u, kala pynlong ia ka kynhun nongbud ka jong u ban hiar kput iaka ri Mexico da kaba pakhang surok, ban thang dusmon ia ki ing ki sem, ki kali motor bad ruh wat iaki jaka treikam bapher bapher ha kylleng jong katei ka ri.
La antad ruh ba kane ka jingpynhiar kput ka kynhun jong u El Mencho kan jur, ha kaba na ka liang ki bor shipai katei ka ri kila pynkhlain iaka jingpahara. Ka jingshah pyniap u El Mencho kan dei ruh ka jingshah ktah jur ia ki kynhun khaïi drok katei ka ri ha kine ki phew snem kynthih.
