Shillong, Risaw 17: Ka Tiara Packaging and Hospitality kawei na ka kharkhana pynmih iaka plakot lane ki beg ba la shna da ki kot naka bynta ban thep jingbam thep doh bad kiwei kiwei, ka dei kawei na ka Karkhana ba la seng da ki shijur kata u Bah Bishar Passah bad ka kurim jong u ka kong Ïadalin Syiemlieh ha kaba ka thong ka long ban pynduh jait iaki jingpyndonkam iaki plastic ki ba long ki nongshun jong ka Mei mariang.
Kine ki shijur ki ba la pyrkhat jngai kumno ban pynduh jait noh iaka jing pyndonkam iaka plastic ki la seng da ka karkhana shna iaki plastic kot ha Mylliem Wah Lyngdoh kaba la plie hynnin ka sngi da ka jingshim bynta u Bah Shanborlang Warjri Additional deputy Commissioner ka East khasi Hills kum u kongsan bad la don ryngkat ka Assistant Commissioner ka tnad Food and safety Meghalaya ka Kong BDS Mukhim, u Paiem ka Hima Mylliem u Ainam Syiem, u Rangbah shnong bad ki bahaing hasem ha ryngkat ka proprietor ka kong Queency Passah kaba la lehkmen ruh jong ka jingdap 77 snem ka rta ha kane ka sngi plie ia kane ka Karkhana.
Haba ia kren bad kitei ki trai Karkhakhana, ki la ong ba ka jingplie jong ki ia kane ka karkhana ym tang ban leh thma ban pynduhjaid ia ki plasti, hynrei kadei ruh kawei naka lad aikam ai jam iaki khynnah samla kane ka thain bad ki kwah ruh ba kane ka shnong kan long kum ka plastic free zone.
Shuh shuh ki la batai ruh ba kane ka plastic ka dei ka water bad ka oil proof bad ka jingthmu jong ki kadei ban pynmih haduh 20 tylli ki jaid Pla kot bad u bilor um ruh, ka dor ruh ka dei kaba bit bad ki ba kham tad ban iaki plastic. Ki nongdie dukan ki lah ban thied iakine ki plakot haka dor kaba hapoh 100 tyngka, bad ki la buh ruh iaka thong ban ai kum ki kynja awareness khamtam haki jaka ba long iew.
Kiba la shah khot sngewbha hakane ka sngi plie iaka Tiara Eco Packaging and Hospitality, ki la ai ka jingiaroh iakine ki shi kurim ki ba don da ka jing thmu kaba bha tam ban iada iaka mei mariang, bad kane ka sienjam kaba ki pyrshang kan long ruh kum ka jinghikai sha kiwei ba ki dei ban sdang ban pyndonkam noh da ki plakot bad ban pynduh jait noh ia ki plastic ha ki dukan bad ki iew ki hat, khnang ba ki briew ruh kin ioh iaka met kaba koit kaba khiah. Ki la ai ruh ka jingkitbok kit rwaiang ia kine ki shijur ba kane ka jingthmu ka jongki ban iada ia ka mariang ban pynmih da ki pla kot bad ban pynduhjiaid noh ia ki plasctic kan nym kut tang ha kane ka jylla hynrei kin pur ruh sha satlak ka pyrthei ba la dei ka por ban pynduhjaid ia ki plastic bad ban pyndonkam noh da ki pla kot kiba ym ktah ia ka mei mariang.
