Guwahati, Jymmang 29: Uwei u Hati khlaw u la leit rung syndon sha ka Canteen jong ka Don Bosco University, Sonapur bad bam lut ia baroh ki jingbam ha katei ka Canteen kaba la pyntieng pynsyier ia ki samla pule bad ruh ki nonghikai ha katei ka skulbah.
Kane ka jingjia ka la jia hynnin ka sngi, ha kaba ha ka por mynsngi utei u Hati khlaw u la wan rung sha katei ka phylla katei ka skulbah bad kyndang ruh ia ka Canteen ban rung shapoh bad bam ia ki jingbam kiba la shed bad pynbiang ha katei ka Canteen.
Naduh ki nongtrei ha katei ka Canteen bad ki samla pule ba leit bam ki la hap ban mih kyrkieh bad ban phet hadien ba la wan utei u hati khlaw ban rung shapoh ka kyntien da kaba kyndang ia ka jingkhang nar.
Kane ka jingwan poi ki Hati khlaw kam dei shuh ka sien kaba nyngkong bad la bunsien ki ju wan pyndik ha katei ka skulbah, ha kaba la buh jingeh ia ki bor pyniaid katei ka skulbah bad ruh wat ia ki samla pule, ba ki Hati haba ki wan ki ju pyndik lut ia baroh.
