Shillong, Jylliew 30: Kum ka jingbud thik ia ka hukum ban pynkylluid ia ka thaiñ Police Bazar ha Khyndai Lad ban nym shah shuh ia ki nongshong dukan madan lane ka No Vending Zone, mynta ka sngi, ki bor jong ka Shillong Municipal Board (SMB) lem bad ki bor district bad ka tnat Pulit kila pynlong iaka jingkhynra haki thaiñ Khyndai Lad.
Lah ban kdew ruh, ba kane kadei ban khynra iaki nongdie madan ki bym don Certificate of Vending (CoV) bad ban kyntu ia ki ba kin leit shong dukan noh ha ka jaka ba la pynbiang da ka sorkar ha ka jaka kaba paka, ha ka jingkhynra ia kito kiba don ia ka COV la ailad ba kin kynriah noh hapoh 22 tarik Naitung.
La sakhi ruh, ba ha kane ka jingkhynra ki bor ka SMB, ka la mih ka jingiañia bad pynibor da ki nongshong madan kiba la pyni ia la ki ñia bad pyneh triang ban kynriah na katei ka jaka.
Dang shen, na ka liang u Myntri ba dei khmieh ia ka Tnad Tourism u Bah Paul Lyngdoh, u la pynbna ba ia ka thaiñ Police Bazar yn pynlong noh kum ka No Vending Zone kaba lait na ka jingkhap ngiah bad ban pynsuk ia ka leit ka wan jong ki nongjngoh kai pyrthei bad ban khring ruh ia ka jingitynnnad jong kane ka thaiñ Khyndai Lad.
