Shillong, Jylliew 11: Ki pulit ka jylla mynta ka sngi kin rah ïaka Sonam Raghuvanshi lem bad 4 kiwei pat kiba la kynnoh donkti ban pynïap ïa u Raja Raghuvanshi na Indore ban tian bishar ha iingkashari jong ka District & Session Judge ha nongbah Shillong.
Kum ban shu kdew hangne ki pulit ka jylla kila wanrah ïa ka Sonam bad 4 ngut kiwei pat ba kynthup ïa u Raj Kushwaha, Akash Rajput, u Vishal Singh Chauhan bad u Anand Kuli sha ka jylla hynin shiteng synñia sha Sardar Police Station bad ïaka Sonam la rah pat hynne ka step sha Ganesh Das Hospital naka bynta ban leh test hadien ka jingsuba ba ka armet, hynrei la pynthikna ba kam shym la armet bad la rah biang ïaka sha Sardar Police Station.
Ïa kitei ki 5 ngut bala kynnoh donkti ban pynïap ïa u Raja yn tian bishar mynta ka sngi hapdeng ka jingpahara kaba jur da ki bor pulit ka nongbah Shillong.
