Shillong, Jylliew 11: Na ka jingsuba ba ka Sonam Raguvanshi ka la armet, ki pulit ka jylla hadien ba la wan rah ïa ka Sonam sha Shillong hynnin ka miet ki la rah noh ïa ka sha Ganesh Das Hospital Shillong ban leit phah test, hynrei kat kum ka report na Ganesh Das Hospital Shillong la pynthikna ba ka Sonam kam pat armet satia.
Katkum ki khubor ba la ioh Lum, ki Pulit ka jylla ki la wan rah ïa ka Sonam Raghuvanshi hynnin ka miet sha Sirdar Police station, Shillong bad ki 4 ngut pat ki runar ki la poi mynta ka step ha kaba la rah beit sha Sirdar Police Station Shillong ban bteng ka jingtohkit.
Kum ban pynkynmaw ka Sonam ka la ïathoh bad U Raja Raghuvanshi ha ka 11 tarik u Jymmang bad mynta ka sngi ka 11 tarik u Jylliew ka la dap shi bnai Pura bad tang hapoh shi bnai ka jingïathoh kurim ka la hap poi sha Shillong ban shah tohkit na ka jingkynnoh don kti ban pynïap ïa u Raja u kurim jongka sha Sohra kiba la wan honeymoon sha Sohra kaba la pynkhih win na ka jingburieh ïa ki kam sniew bad dei hadien ba la ioh kem ki Pulit paw lut ki jingshisha ba ka don kti pynïap ïa u Raja lem bad ki paralok jongka.
Ka Sonam ka la wa poi sha Sohra ha ka 22 tarik u Jymmang 2025 bad la u kurim u Raja Raghuvanshi bad dei tang ha ka sngi kaba bud ki la jah rngai bad ha ka 2 tarik u Jylliew la lap ïa ka media u Raja na Jan Wei sawdong ha Sohra bad da ka jingtohkit bniah ki pulit la lah ban paw ïa ki jinhshisha halor ki kam buit tuh ka Sonam bad ki paralok jongka.
