Shillong, Rymphang 18: Ha ka sngi ka balai jong ka dorbar mang tyngka hapoh ka ïing dorbar thaw ain ka jylla mynta ka sngi, ka jingiatai kaba jur ka la sdang khuit na ka jingiakren halor ka Immigration and Foreigners Act, 2025 ban iada halor ka jingwan rung beian ki mynder ri bad lyngba ka jingiakren halor kane ka mat ka jingiatai kaba jur ka la mih bad ka la khluid puk hapoh ka Dorbar haduh ba u Shongknor ka ïing dorbar u la hap ban pynsngewsh ia ka dorbar ba la kot sha ka 10 minit.
Na kane ka jingtai kaba la khluit tar, u Shnongknor ka ïing dorbar u la kyrpad ba kin ia shong noh kaba la kham khluit shuh halor ka mat jong ka ILP.
Kane ka mat jong ka Inner Line Permit ban tehlakam ia ka jingwan rung kynthep ki mynder ka dei ruh kaba dang ap mynta sa tang ka jingmynjur ka sorkar pdeng.
Haba kren halor ka ILP, u Bah Ardent Miller Basaiawmoit kum u MLA ka VPP, u la kynnoh ba ka sorkar ka ialehkai khiewjakai bad ka jingsngew jong ki paidbah.
U la buh ruh ka jingkylli, balei ka jylla ka donkam iaka ILP, ka dei namar ba la jur ka jingrung kynthep ki briew kiba nabar ha kaba ym tang ki briew bar ri bad na kiwei kiwei ki jylla hapoh ka ri. U Bah Ardent u la pynpaw ruh ba u kwah ia ka jubab na ka sorkar la ka sorkar ka kwah ban ialehkai bad ka jingsngew u paidbah.
Halor kitei ki jingkynnoh u Bah Ardent, u Myntri Rangbah ka jylla u Conrad K. Sangma u la kyntait war bad da kaba pynpaw ruh ba halor ka mat jong ka ILP, kum u Myntri Rangbah ka jylla u la dep ban kynduh bunsien ia u Myntri rangbah ka ri bad ruh ia Myntri ka tnad ka kam pohing ka sorkar pdeng.
U la buh ruh ka jingkylli haduh katno sien ki MLA ki la dep ban ai jingthoh sha u Myntri rangbah bad sha u Myntri ka tnad kakam pohing halor ka ILP bad ha kum kane ka por la mih ka jingiata kaba jur bad kaba la khluit tar hapoh ka ïing Dorbar.
Kumba la paw ha ka dorbar mang tyngka mynta ka sngi, kane ka jingiakren halor ki lad ban iada na ka jingwan rung beain ki briew kiba nabar ka la khluit shisha tar, ba la mih k ka jingiania hapdeng u Dr. Mukul, u Bah Ardent Miller Basaiawmoit bad u Myntri Rangbah ka jylla u Conrad. K. Sangma.
