Nongpoh, Rymphang 17: Saw ngut ki briew kiba la phah da ka Assam ban wan Sorjamin ia ki jaka ha shnong Maikhuli, ka shnong khappud hapeng ka Meghalaya bad Assam, ki la shah beh noh ha ki briew ka shnong Maikhuli, kata ka dei hadien ba ki la shu wan Sorjamin ia ki jaka kiba dang hap hapoh u pud u sam ka jylla Meghalaya.
Ka jingtip kaba la ioh ban lum na ki briew na Maikhuli, la ong ba kitei ki saw ngut kiba kam ialade ba u dei ki nongtrei ka Genesys International Corporation Ltd, ha kaba ki la thmu ban Sorjamin ia kitei ki jaka, lyngba ka jingbthah da ka Assam.
Ki briew na Maikhuli, haba ki la iohi ia kitei ki briew kiba la wan Sorjamin ia ki jaka hapoh katei ka shnong, na ka liang ki briew shnong Maikhuli, ki la leit ban kren bad kylli ia ki ba ki dei kiei bad mano ba aibor ia ki ban Sorjamin ia ki jaka hapoh katei ka shnong.
Kumta na ka liang ki briew na ka shnong Maikhuli, kim shym la ailad ia ki ba kin bteng ha ka ban Sorjamin ia kitei ki jaka, ha kaba ki la beh beit ia ki, da kaba ong ba kim dei ban wan Sorjamin ia kitei ki jaka, namar ki dei ki jaka kiba hap hapoh u pud u sam ka Meghalaya.
