Nongpoh, K’lyngkot 20: Ki Pulit ka Byrnihat Police Station mynta ka sngi ki la sam syndon da ki kot lyngkdop sha ki Driber Trok na ka bynta ban pynsngewthuh ia ki halor ki kyndon niah kali kaba long na ka jingshngain ki paidbah ha ka leit ka wan.
Ia kine kine ki kot lyngkdop la sam sha bun tylli ki trok da kaba pynieng ia ki ha 13mer ba hap ha surok National Highway-6 ha Ri Bhoi.
La sam ruh ia kitei ki kot lyngkdop sha ki driver trok ha ka jingialam u bah Sunny Lynrah uba dei u officer In-charge ka Byrnihat Police Station lem bad ka jingdon lang kiwei kiwei pulit bad ophisar.
Na ka liang ki Pulit ym tang ba ki sam ia kitei ki kot lyngkdop sha ki Driver trok bad ki la don ruh ki jingthoh kiba batai halor ka ain niah kali kaba long ka jingshngain na ka bynta ki paidbah ba leit ba wan ha ka surok bah.
Kine kine ki jingpynshai ki dei ruh katkum ka Motor vehicle Act ban teh lakam ia ki driver ba buaid, ba pynher sted ia ka Kali, kiba iaid na ka liang ka surok bym dei ban iaid bad kiwei kiwei ki jingpynkhein ain.
