Aizawl, Jylliew 03: Kumba 15 tylli ki longiing ki la shah ktah jur ha ka shnong Sairang, Aizawl district ha Mizoram namar ka jingshlei jong um na ka jingkiew ka um ha ka wah Tlawng.
Ïa kane la pyntip bad lum khubor katkum ka jingtip na ka Sairang Village Council Secretary.
Kitei ki longiing kiba la shah ktah na ka jingshlei um ki dei kiba shong basah harud jong katei ka wah Tlawng bad mynta baroh ki la hap ban mih na la ki iing ban leit sah pat sha ki iing jong ki bahaiing jong ki bad kumba 4 tylli ki longiing ki la sah hapoh ka jaka ba la pynbiang da ka Sairang Village Council.
Ka khubor ka la pyntip ruh, ba watla ka jingkiew jong ka um kam pat kot katkum ka jingbuh jingthew (Official Marking) hynrei na ka liang ki bor ba dei peit jong katei ka Aizawl district lem bad ki nongshong shnong ki la long lypa kiba phikir.
Ha katei ka jingshlei um ka la don ruh ka jingshah ktah jong ki nongshong shnong, ki mar rep mar riang bad ka jingshong syier ia ki jaka rep lada ka jingkiew jong ka um ha katei ka wah kam hiar.
Na ka liang ki bor ka Disaster management, including kynthup ïa ki dkhot jong ka Village Council (VC), Young Mizo Association (YMA) bad ki nongïalam shnong ki la long kiba la pynkhreh bha bad ban peitngor ïa ka jinglong jingman na bynta ki sngi ban wan.
