Nongpoh, Jymmang 31: Ka kynhun SDRF ka Assam ka la hap ban pyndonkam da ka Lieng ban leit shaw ia ki Khynnah skul bad ki paidbah kiba la sahkut ha ka jingshlei um ha Jorobat, kaba dei na ka daw ka jingjur slap ha kine ki sngi kiba la pynshlei ia katei ka surokbah ba pyniasoh na Assam sha Meghalaya bad ruh sha Upper Assam.
Kane ka jingshah ktah jong ka jingshlei um ha Jorbat, kaba don ha ka bynta ka Flyover, ka dei hadien ba ka jingjur slap ha kine ki ar sngi ka la pynshlei ia ka surok, haduh ba la shah ktah ki nongleit nongwan, ki khynnah skul, ki paidbah bad kynthup ruh ki nongshong dukan.
Bun ki Kali paidbah ruh ki la sahkut ha ka jingshlei um kaba la shyrkhei bad ban iarap ia kito kiba sahkut ha ka jingshlei um, ka kynhun SDRF na Assam ka la hap ban pyndonkam da Ki lieng ban leit shaw ia kito kiba sahkut ha katei ka jingshlei um.
