Ka la don ka jingjia pynbthei ia u bom ba khlain bor bha mynta ka sngi ha Nongbah Quetta ha Pakistan bad ha katei ka jingjia, kumba phra ngut ki briew ki la duh noh ia ka jingim, nalorkata ki don shibun ngut pat kiba la mynsaw.
Ki bor sorkar ka ri Pakistan, ki la ong ba jingiap briew ka lah ban kiew na katei ka jingjia ba bthei bom, namar ha katei ka jingpynbthei bom, ka dei kaba la jur bad sngewtriem eh bad kaba la wanrah ia ka jingmynsaw kaba jur ha ki jaka bad marjan bad katei ka jaka ba la don ka jingbthei bom.
Katei ka jingjia pynbthei ia u bom, ka dei kaba la jia hakhmat ka ophis treikam ba hakhlieh duh ki bor shipai kaba don ha Quetta, Pakistan, ha kaba katei ka jingbtei bom, ka la wanrah ia ka jingsawa kaba jur ha baroh ki jaka ba marjan bad ka
Ki briew kiba la donkti ha katei ka kam, shwa ban pynbthei ia ka u bom hapoh ka kali, ka la don shwa ka jingsiat bad bad sawa ki ktang suloi bad hadien kata sa jia noh ka jingbthei u bom.
Halor katei ka jingjia bthei bom, ym pat don kano kano ka kynhun kaba la kam bad bahkhlieh halor katei ka jingjia, kaba la wanrah ia ka jingiap briew bad pynmynsaw ia kiba bun.
Tang mar ia jia katei ka jingbthei bom, ka kynhun ai jingiarap ki la poi mar mar ha katei ka jaka, ha kaba la ia kiba la mynsaw la pynkit noh mar mar sha ki jaka aijingsumar kiba don ha Quetta, Pakistan. Ki bor ka Pakistan kin pynlong ia ka jingtohkit bad ban lap ia kiba donkti ha katei ka kam
