Nongpoh, Jymmang 05: Ka ophis ka District Medical and Health officer ka Ri Bhoi lyngba ka National Programme on Climate Change and Human Health ( NPCCHH) bad ryngkat ka jingïatrei lang ka Ri Bhoi College mynta ka sngi ki la pynlong da ka prokram ka jingïatai nia (debate Competition) kaba long shi bynta ban rakhe ïa ka World Environment Day kumba la rakhe ha satla ka pyrthei ban khein kor na ka bynta ban ïada ïa ka mei mariang.
Ïa kane ka prokram la pynlong ha Ri Bhoi College, ha kaba la sdang shuwa da ka jingthung dieng bad bud sa ka prkram jingïatai nia ba la shim bynta da ki khynnah skul ka Ri Bhoi College.
Ka phang kaba ki la ai ha kane ka sngi ban ïa tai nia ki nongshim bynta ka dei halor ka phang, “Single use of plastic should be banned world wide” ba ki Motion ki hap ban kyrshan ba ym dei shuh ban pyndonkam ïa ki Plastic bad ki Against the Motion pat ki hap ban kyrshan ïa ka jingpyndonkam ïa ki Plastic. Kane ka phang kaba ki la ai ka long shisha kaba eh ban ïatai bad wat la katta ruh ki nongshim bynta ki la kyrshan ïa la ka nia bad kala long ka jingïatai kaba khluid bad kaba pynsngewtynnad ïa ki nongpeit bad ki nongbishar ba ka jingpyndonkam Plastic ka ktah shisha ïa ka mariang bad khlem ka Plastic ruh shem jingeh ba ki plastic ki dei kiba pyndokam ha baroh ki liang.
La sakhi lang ruh ha kane ka sngi da ka jingdon lang ka Dr. Dr Alisha.J syiemlieh, kaba dei ka specialist community’s medicine na ka ophis ka DMHO, u Bah Roshan Ronghang, District Epidemiologist, ka Prof. Mamoni Kharshiing, ka Prof. Riba Masharing, ka Dr. Jessical Rymbai, kaba pynïaid ïa ka debate competition nalor kiwei ki professor bad ki samla pule ka Ri Bhoi College. La pynkut ruh ïa kane prokram da ka jingsam ïa ki khusnam sha ki nongjop kiba la shim bynta ha ka jingïakop ïatai nia lane ka debate Competition.
Kumba la sakhi ha kane ka jingïakop tai nia, ka long shisha ka jingïatai nia kaba shongnia, ha kaba kito kiba pyrshah ban pyndokam plastic ki pyni ïa la ki jong ki nia ba ka jingpyndonkam ïa ki plastice ka ktah shisha ym tang ïa ka mariang bad ka ktah ruh ïa ka koit ka khiah jong ki briew bad kito kiba pyrshah ban Khang platic ruh ki pyni la ki jong ki nia ba ym dei ba khang plastic ba ïa ka plastic la pyndonkam ha baroh ki liang bad khamtam ha kine ki sngi jan ha baroh ki kam ngi pyndonkam ïa ki plastic bad kaei kaba donkam ka long ba ngi dei ba nang ban pyndonkam ïa ki plastic da kaba um ne buh bha ban pyndonkam biang (recycle) khnang ba kan nym ktah ïa ka koit ka khiah ne ïa ka mariang.
Ha kawei ka bynta, ka ophis ka District Medical and Health Officer ka Ri Bhoi lyngba ka National Programme on Climate Change and Human Health, ka la pynlong ïa ki prokram bapher bapher kum ka Extempor Speech ha St. Peters Secondary school, Umkadhor, ka jingthung dieng ha Umsohphria Sub Centre, ka jingthung deing ha Patharkhamah CHC, ka jingïakop drow dur ha Lum Nongrim School, Byrnihat, kaba long shi bynta ka jingrakhe ïa ka World Environment.
